احيانا باحس اني مش سامع صوتي
غنوتك فوق الدروب مش هاتدبل عمرها
واللي ليه في الدنيا فكره لابد يوم هايعشلها
انا اصلا ما باحبش اكتب وانا في الحاله دي
دي الجلوب الصابره بكره ربك راح يعوض صبرها
بس انا ما صبرتش .. صبرني يا رب
بريء ياقلبي بريء .. بريء ومين مالوش خطية
ديما باقول ان كل واحد مننا واقف وشايل فوق راسه حجره .. لو تعب هاتقع عليه وتفطسه .. ما ينفعش يتعب
اعدي ليل ورا ليل .. يجابلني سور ورا سور
كنت محتاج حد دلوقتي
ده انا الخريف وانتي ربيعي .. انتي الجمال الرباني .. زهره علي احلي غصوني .. رحيلي انتي واوطاني .. قلبي وعقلي وجنوني
كوني طريقي ولا تخوني .. هايضمنا بكره الزاهر
عشان تبقي كبير .. لازم تتعود تعيش لوحدك
من حبك مش بريء .. وفي حبك مش جريء .. ان جيت اكلمك ارجع وانا كلي خوف .. وان جيت اكتب رساله تهرب مني الحروف
قالك ايه الغرام .. قالك تنسي الكلام
وصوتك هزني .. غير لون الزمان .. بعد الغربه الطويله .. لقيت في الصوت مكان
ادمت خطوتين .. يا صوتي روحت فين
ده كان اختيارك .. ناتج عن افعال .. بس في الاول وفي الاخر اختيارك .. بتفكر ليه دلوقتي .. مستني ايه دلوقتي
الناس نامت الاي .. واقف ليه في الشباك .. باستني اليوم الجاي .. يمكن يسقينا الشاي .. يمكن يعطينا الناي
واقف بتغني لمين .. لحبيبتي وللاطفال .. طب بص ورا البتارين .. شايف مهره وخيال
حاول تتأقلم علي وضعك الجديد .. حاول تنسي
كل الحجات بتفكرني .. بعيون حيرتها تحيرني .. تمر صورتك اتبسم .. الابتسامه تعذبني .. كل الحاجات عارفه وحاسه .. كل الحاجات كانت تضحك لما اقابلك
فاكر لما كنت بتسمع الاغنيه دي
في كل حي ولد عتره وصبيه حنان .. وكلنا جيرة وعشرة واهل وخلان .. ساعة ما تضحك مع اخوها تلاقيه بيغير .. ولما ترفع قولتهم تلاقيه عطشان
زمانه ماشي بخطوه يضم .. زمانها كبرت وبقت ام
الفجر بيلاقي المغرب وبيجي ويروح .. واليل يطل علي الشارع شباك مفتوح .. متعلقه كمام النونو في ديل الفستان ..
الدنيا خضرا ومش فاضل علي بكره زمان
زمان.. فاكر انت كنت ازاي زمان .. فاكر افكارك .. اومنياتك .. احلامك
قبل ما تحلم فوق احلم وانت فايق
حلمت ادك ويمكن اكتر .. وحلمي الاخضر ما طالش يكبر ..
نصيبي يمكن ما كانش ليه .. طريقي طول ولف بيه
عافر يمكن تقوم
حلمك لسه في ايديك .. حاول ما يموتش فيك
ساعات باتخيل ان كل اللي فات من عمري .. كان حلم .. وانا هاصحي منه دلوقتي
بس اكتشفت ان ده هو الحلم الوحيد اللي في حياتي
بعد ما ادي وبعد ما خد .. بعد ما هد وبنا واحتد .. شد لحاف الشتا من البرد .. بعدما لف وبعد ما صار .. حط الدبله وحط الساعه .. حط سجايره والولاعه .. علق حلمه علي الشماعه
شد لحاف الشتا علي جسمه .. داري عيون عاوزين يبتسمو .. دحرج حلمه وهمه واسمه .. اللي قضي العمر هزار .. واللي قضي العمر بجد
شد لحاف الشتا ... من البرد
.jpg)
3 comments:
كل سنة و انت طيب
رمضان كريم
اعاده الله عليك بالخير وجعلك فيه و من بعده تقياً عفياً
سلام عليك
اليوم شاهدت برنامجا على قناة الجزيرة
لا أتذكر اسمه تحديدا ..ولم أشاهد الحلقة من البداية
كل ما أتذكره هو الأستاذالجامعي المصري الذي أسس فرقة دعاها ومضة-على حد تذكري-تقدم عروض الأراجوز وخيال الظل
لا أدري لم تذكرت صاحب المدونة مباشرة بالرغم من المرات القليلة التي قمت فيها بزيارتها، و أعتقد أن السبب هو ليس فقط مظهر المدونة بل أيضا روحها
و لذلك
جال بخاطري سؤال: لماذا لا يكون ذلك الأستاذ الجامعي هو نفسه صاحب مدونة الأراجوز؟؟
مجرد سؤال ومجرد تخمين ..قدأصيب و قد أخيب
قي كل الأحوال هناك ما يجمع بين المدونة و الفرقة وهو أن كليهما حازا على اعجابي
تحياتي لقلمكم
هو اعتقد ان ردى متأخر اوى .. بس عامة سورى
اولا شرفتينا ونورتينا ..
ثانيا .. اعرف فرقة ومضة كويس .. بس للاسف مش عارف احصرلهم اى عروض .. كمان انا ماليش اى علاقه بيهم غير انى معجب ..
اكيد مش انا اللى بتتكلمى عليه .. اعتقد انى .. اقل من الكلمات الكبيرة اوى دى ..
بالنسبه لروح المدونه .. فده العالم بتاعى اللى باحلم بيه .. بس لسه ما عيشتوش ..فقط احلام
بالنسبه لانى احوز على اعجابك فده شىء يشرفنى اكيد
حاولت ادخل المدونه بس كانت للمدعوين فقط .. مش عارف ادخل .. وبقالى كتير واقف على الباب ..ورجليه ورمت !!
بجد نورتيني ..خصوصا فى غيابى .. شكرا على المرور
Post a Comment